«Қара шаңырақ – 2023» жаңа қойылымдар фестивалі басталды

Мұхтар Әуезов атындағы Қазақ ұлттық драма театрында Қазақстанның Халық артисі Бикен Римованың 100 жылдығына арналған «Қара шаңырақ – 2023» атты жаңа қойылымдар фестивалі өтуде, , деп хабарлайды qazradio.fm Мәдениет және ақпарат министрлігінің баспасөз қызметіне сілтеме жасап.

Бес күн ішінде Алматы тұрғындары мен қонақтары жеті қойылымды, соның ішінде Ш. Айтматовтың «Кассандра таңбасы»" футуристік трагедиясын, М. Әуезовтің «Еңлік-Кебек» трагедиясын, «Құйын» драмасын, М. Задорновтың «Күйеуіңізді сатыңызшы» комедиясын, Ж.Коктоның «Дауыс» монооперасын, Д.Л.Кобурнның «Ойыннан от шығар...» трагикомедиясын, сондай-ақ «Жан әке»   драмасын  тамашалай алады.

Фестиваль жаңа қойылымдардың шығармашылық сапасын, актерлердің жұмысын анықтауға, шығармашылық құрамға жаңа серпін беріп, көрермен мен театр арасындағы байланысты нығайтуға мүмкіндік береді.

Әртүрлі номинациялар бойынша жеңімпаздар 26 желтоқсанда жарияланады.

Фестиваль аясында Қазақстанның халық артисі Бикен Римованың өмірі мен шығармашылығы туралы фотоальбомның тұсаукесері өтеді және театр мұражайы ұйымдастырған көрме ашылады.

Фото: gov.kz