Астана - 106,8FM Алматы - 101,00 FM Шымкент - 106,40FM Талдықорған - 101,00FM Көкшетау - 101,00FM Ақтөбе - 102,20FM Атырау - 101,00FM Өскемен - 104,00FM Семей - 100,10FM Аягөз - 101,00FM Тараз - 100,80FM Орал - 101,20FM Қарағанды - 103,40FM Қызылорда - 102,00FM Ақтау - 100,5FM Павлодар - 101,00FM Петропавл - 106,80FM Түркістан - 101,00FM

Электрондық денсаулық төлқұжаты іске қосылады

Электрондық денсаулық төлқұжаты іске қосылады

Осы жылдың қыркүйек айында электрондық денсаулық төлқұжаты іске қосылады, деп хабарлады Хабар 24.

Құжат пилоттық режимде жұмыс істеп, өзіне емделуші туралы толық ақпаратты енгізеді. Атап айтқанда, бұрын ауырған аурулары, аллергия мен дәрілік заттарға берер әсерлері төлқұжатта жазылып тұрады. Жоба дүниежүзілік банктің қолдауымен жүзеге асады. Сондай-ақ, үздіксіз медициналық көмек көрсету және автоматтандырылған нақты ақпарат сақталатын бірыңғай тізім енгізу жоспарлануда. Емделуші жайлы деректер өзіне бекітілген нөмірде тұрады.

"Барлық электрондық төлқұжаттар толық толтырылсын. Электрондық төлқұжаттардың белгілі бір пайызы толтырылғанын білемін, бірақ 80% - ға дейін ұлғайту керек", - деді ҚР Премьер-министрінің орынбасары Асқар Жұмағалиев.

Денсаулық сақтау вице-министрі Ержан Әбішев электрондық денсаулық төлқұжатының артықшылықтары жайлы Facebook әлеуметтік желісінде жариялады:

1. Талдау қағаздарын, амбулаториялық карталарды жою;

2. Халықаралық стандарттарды енгізу;

3. Бірыңғай ақпараттық өріс құру;

4. Клиникалық-диагностикалық қызметтерді үйден шықпай алу мүмкіндігі;

5. Әрбір азамат бұған дейінгі көрсетілген медициналық қызметтерді көре алады;

Вице-министрі бұнымен жоба шектелмейтінін тілге тиек етті.