1896 жылы ұлы өнертапқыш Александр Степанович Попов алғашқы радиоқабылдағышты жасап шығарды. Оған дейін де радио жасаушылар болды, бірақ барлығы сәтсіздікке ұшырады. Поповты алғашқы радиограмма жолдаушы деуге болады. Оның мәтіні тек «Генрих Герц» деген екі сөзден тұрды. «Хакер» деген сөз радионың арқасында пайда болған. Құпия радиобекеттердегі парольді бұзатын адамдар осылай аталған.

Франция еліндегі әйгілі Эйфель мұнарасы радиомен тікелей байланысты. 1889 жылы Бүкіләлемдік көрме кезінде тұрғызылған бұл мұнараны 20 жылдан кейін бөлшектеуді (демонтаж) ұйғарды. Бірақ радио пайда болғаннан кейін Париждегі ең биік мұнараға антенналар орнатылды. Қазір Францияның визит картасына айналған атақты «Эйфель» осылай аман қалды.

Әлемде алғаш радиодан хабарланған саяси жағдай туралы ақпарат 1917 жылғы Қазан төңкерісі болды. Екінші дүниежүзілік соғыс кезінде америкалықтар хакерлер радио-бағдарламаның кілтін бұзбас үшін қулық ойлап тапты. Ол үшін үндістердің тілін қолданды, олардың тілі аса жат болғаншы соншалық, тіпті түсіну мүмкін емес болды.

1940 жылы Англиядағы футбол матчында қызық оқиға орын алды. Ойын кезінде алаңды тұман басқаны соншалық, радио-комментатор поляның арғы шетін көре алмады. Радионы немістер де тыңдайды. Бұл жағдайды айтса, олар бомба тастайды. Жағдайды ушықтырмас үшін комментатор бір жанкүйерге қарап отырып, ойын мен қорытындыны ойдан құрастырды.

Айта кетейік, бүгін дүниежүзілік радио күні. Жаңа мереке. Бұл күннің аталып өтілгеніне 6 жыл болды. Ал, оны бекіту туралы шешімді ЮНЕСКО 2011 жылы қабылдаған болатын.

1946 жылы ақпанның дәл 13-і күні «БҰҰ Радиосы» эфирге шықты, оның стансысы Біріккен Ұлттар Ұйымының штаб-пәтерінде орналасты. Бұл мерекеге орай ЮНЕСКО-ға кіретін көптеген мемлекеттерде радиотарату компанияларының қатысуымен түрлі іс-шаралар ұйымдастырылуда.

ЮНЕСКО бекіткен дүниежүзілік радио күнінен бөлек, бұл байланыс түрін ұнатушылар сондай-ақ 18 ақпан - дүниежүзілік радио сүюші күнін атап өтеді. Өйткені, 1925 жылдың дәл осы күні Парижде халықаралық радио сүюшілер одағы құрылған болатын.