30 жылдан артық уақытын айтысқа сарып еткен Жүрсін Ерманның осы өнерге сіңірген еңбегі ұшан теңіз. "Шалқар" радиоысындағы «Таңжарық» бағдарламасына сұхбат берген айтыстың Асанқайғысы «Кейінгі буыннан аса таяғыңызды ұстататын лайықты мұрагеріңіз бар ма» деген журналист сұрағына былай деп жауап берді:
«Айтыс - біздің тамырымыз, дәстүріміз. «Айтыстың» айналасында талантты жастар жетерлік. Өзімнің сайлап, дайындап жүрген балаларым бар. Мысалы, ертең, яғни 15-16 ақпанда Алматыда ҚазҰПУ-нің 90 жылдығына орай студенттер арасында Республикалық айтыс өтеді. Сол айтысты жүргізуді шәкіртім - Шұғайып Сезімханға тапсырып отырмын. Сол сияқты жастар жетерлік. Серікзат Дүйсенғазин, Аманжол Әлтаев айтысты жүргізген. Бірақ, біздің қазақ қоғамындағы дерт - дайын нәрсеге келіп отыра қалу. Сондықтан жастар өздері талпынса, еңбектенсе деймін».