Түркия елін жағажайлармен, курортты аймақтармен,ежелгі көрікті жерлермен байланыстырады. Көпшілігі үшін бұл елмен танысу қызық. Себебі түріктердің мәдениеті, салт дәстүрлері өзгелерден ерекше.

Түркияның жергілікті тұрғындарының түрлі мінез-құлықтары мен әдет-ғұрыптарына дайын болу үшін бұл ел жайлы нені білу керек? Біз сіздер үшін ең маңызды және ең қызықты ақпараттар легін ұсынамыз.

1. Түркияда грек, рим, византия және түрік мәдениеттері дамыған.
2. Түркияның 97% - ы Азияның Кіші Азия түбегіндеорналасқан, ал 3% - ы Еуропа аумағында.
3. Түркияда алғаш рет Жоғарғы Соттың судьясы әйел болған.
4. Саудагерлердің шығынын өтеу мақсатында Селюджук түріктер тарихта бірінші болып мемлекеттік сақтандыру жүйесін құрды.
5. Түркияның ең танымал сувенирлері — бұл феска және көз тиюден қорғайтын "Nazar Boncugu"амулеті. Ол көз сияқты домалақ көгілдір түсті.
6. Түрік тілінде латын әліпбиі пайдаланылады. Бірақ, онда "Q", "W", "X" әріптері жоқ.
7. Пергаментті Пергам патшалығында ойлап тапқан. Ол қазіргі Түркия аумағы.
8. 1934 жылға дейін түріктердің тегі болмаған. Тектің заңы қабылдануымен, олар өз тектерін кәсібіне сәйкестендіріп қоятын болған.
9. Ресми 3.5 млн түрік Германияда тұрады.
10. Түркияда ерекше майлы күрес түрікеңінен таралған. Палуандар былғары дамбал киіп, үстіне зәйтүн майын жағып барып күреседі екен.
11. Әлемдегі ең үлкен алмаз – Кашикчи алмазы. Ол Стамбулдың Топкапы сарайына орналасқан.
12. Түркияда көшірмелердің түп нұсқадан төрт айырмашылығы бар болса, заң бойынша тексерілмейді.