Елордада жаңа теннис орталығы пайда болады. Бұл жайлы Қазақстан
теннис федерациясының вице-президенті Диас Доскараев баспасөз маслихатында
хабарлады.
"Жобаның
құжаттамасы бекітілді. Астанада екінші теннис орталығын салу үшін тендер
өткіздік. Шамамен екі ай ішінде жобаның құрылысы басталады. Ол Бауыржан
Момышұлы көшесіндегі Жерұйық-2 саябағында салынады. Бұл аумақта астана әкімдігі
тұтас спорт алаңын құруды жоспарлап отыр. Теннис федерациясы саябақ аумағында
теннис орталығы ашылуы үшін өтінішті алғашқылардың бірі болып берді. Орталықтың ашылуы 2019 жылдың сәуір-мамыр
айларында өтеді. Бұл кешенді Канададағы теннис орталығына ұқсатып
саламыз", - деді Диас Досқараев.
Жобаның құны шамамен
3 млрд теңге.