Жақын күндері Қазақстанның бірқатар өңірлерінде ауа температурасы күрт
төмендеп, күн суытуы мүмкін,- деп хабарлайды «Қазгидромет» РМК -ның
баспасөз қызметі.
2018 жылдың 9-11 тамыз аралығында Қазақстанның солтүстігінде суық толқыны
өтеді деп күтіледі.
Карск теңізі аудандарынан келетін суық, ылғалды арктикалық
ауаның салдарынан Қазақстанның солтүстігі мен орталығында, сондай-ақ,
шығыс өңірлерінде жаңбыр жаууы мүмкін.
Еліміздің кей аймақтарында күн күркіреп, екпінді жел соғып, бұршақ түсуі
мүмкін деп болжануда. Осы күндері солтүстік, орталық аудандарда
температура түнде 7-17 дейін, күндіз 15-23 градусқа дейін төмендейді.
Ал, қалған аймақтарда ауа температурасы қалыпты норманы сақтап тұрады.
Дегенмен, кей жерлерде күн күркіреп, жаңбыр жауады.
Тамыздың 11-де Қазақстанның оңтүстігінде қатты жел соғып, арты шаңды
дауыл мен бұршаққа ұласуы мүмкін.