«7-20-25» бағдарламасы бойынша ипотека несиесін төрт банк береді:
Центркредит банкі, АТФБанк, Bank RBK және Цеснабанк.
Бұл туралы «Баспана» Ипотекалық
ұйымы» АҚ Сыртқы байланыс қызметі басшысының орынбасары Айбар Олжаев
хабарлады.
Оның айтуынша, алдағы уақытта бағдарламаға тағы бір қаржы институты –
«Еуразиялық банк» қосылады.
«Қазақстанның тұрғын үй құрылыс жинақ банкі» акционерлік қоғамына (АҚ)
қатысты: бүгінгі таңда тұрғын үй құрылыс жинақ банкі «7-20-25» бағдарламасы бойынша өз тұтынушыларымен
белсенді дайындық жұмысын жүргізуде. Банктің ішкі механизмі
сәйкестендіріліп, лицензия алу процесі де жүріп жатыр. Біздің ойымызша, тұрғын
үй құрылыс жинақ банкі тез арада «7-20-25»
бағдарламасына қосылады», - деді Айбар Олжаев.