Бүгін, 21 қыркүйекте, Алматыда Астана күндері аясында Республика сарайында қазақстандық суретшілер көрмесінің, «Astana around us» фотокөрмесінің ашылуы және елорданың 20 жылдығына орайластырылған «Астанадан ақ тілек» атты гала-концерт өтеді.
Шара барысында профессор Айтқали Жайымов жетекшілік еткен Астана Мемлекеттік академиялық филармониясының Қазақ оркестрі, Секен Тұрысбеков, «Шалқыма» халық биі ансамблі, эстрадалық би ансамблі, классикалық, эстрадалық және халық вокалының солистері, атап айтқанда, Алтынай Жорабаева, Тамара Асар, Медет Салықов, Клара Төленбаева, Алмас Кішкенбаев, Маржан Арапбаева, Қайрат Баекенов және «Формат» тобы, Дос, Ринат, Малцагов, «Арт домбыра» жобасы және Тұрсынбек Қабатов өнер көрсетеді. Концертке кіру тегін.