Жастар жылында жаңару

«Елбасымыз айтып өткен 2019 - жастар жылында жаңа шеберханамды іске қосамын. Бүгінде 90%-ы дайын тұр»,- деді қолөнерші, шағын бизнес өкілі Самғау Нәсіпхан Қазақ радиосының «Қайырлы таң, қазақ елі!» хабарына берген сұхбатында.

«Біздеге қол өнер де автоматтандырылуы керек. Ол заманның талабы. Табыс табудың басты талабы – тәжірибе. Өйкені, өз салаңызды жақсы білмесеңіз-табыс көзі тарылып қалуы мүмкін. Қомақты қаржы құйып, инверсторлар тартқанымен жастардың көбі шаруасын дөңгелетіп әкете алмайды. Сол себепті біз алдымен жоспар құрып, тауарды өткізудің тәсілін үйрендік. Қараөткелдегі әкімдіктің қолдауымен жер алып, шағын шеберхана салып жатырмыз. Бүгінде 90%-ы дайын тұрған шеберхананы Елбасымыз жариялаған алдағы жастар жылында іске қосамыз. Бұл біздің отбасылық бизнес. Қазақстанда алғаш рет табан құятын аппараттар сатып алдық. Енді, оны іске қосу ғана қалды»,- деді кәсіпкер.

Сонымен қатар, жас кәсіпкер өткен жылы Стамбул қаласына барып, тәжірибе жинақтап келгенін де айтты.