«Сөйлемесе сөздің атасы өледі. Әңгімелерің шынайы болып жатқан жоқ. «Қарға қарғаның көзін шұқымайды» деген прициппен әріптестеріңді ренжіткің келмей отыр»,- деді Қазақ радиосының «Армандастар» хабарына келген әнші Жасұлан Базарбаевтың сұхбатына пікір білдірген тыңдарман.
«Ашығын айтсақ, соңғы кездері әншілер тым еркелеп кетті. Оларды еркелетіп отырған халық. Халықтың арқасында жағдайын жасап, байып та жатыр. Түрлі көлік мініп, зәулім сарайлар салып жатқандарына бәріне белгілі. Бірақ, сол байлық халықтың арқасында келген ғой. Атын атамай-ақ қояйын, бірақ, кейбір жігіттер ақымақтық жасап жүр. Әншілер өздері ішіп жатқан құдыққа өздері түкіріп жатыр. Соларды көріп күйінемін. Биікке көтеріп отырған халыққа менсінбей қарап, жұлдызсымақ болып жүргендерге айтып отырмын. Халық солардың концертіне бармай қойса, тойына шақырмай қойса, сонда түсінер еді. Сол себепті еркелікті қойыңдар»,- деді тыңдарман.
Толық ақпарат хабардың аудионұсқасында.