Кәсіп болмай нәсіп болмас. Кез-келген бизнесті жүргізу үшін алдымен сенім керек. Соқыр сенім емес, Жаратқанға, содан соң Абай айтқан ақыл мен қайратқа иек артқан, жігеріңді жанитын, жүректен шыққан арман-мақсатыңа жетелейтін сенім. Ол үшін қез-келган жағдайда жақсылық жасауға, позитивті көруге ұмтылу қажет. Адамдардан тек жақсы жақтарын көру. Тек соны іздеу. Сол кезде өмір сүру жеңілдейді. Шешімін таппайтындай көрінетін мәселе кәдімгі өмір сүрудің заңдылығына айналады. Дегенмен жолы осы екен деп, әр нәрсеге тыраштанып ұмтыла бермей, бойыңдағы бар дүниені, қабілетті бағалау керек. Міне, сонда ғана алыс арман жақындайды, қиыншылық атаулы алыстайды. Дәл осы қағидаттарды бойына сіңірген «101 кәсіп» хабарының бүгінгі кейіпкері Мақсат та өз кәсібін бастар кезде тек өзіне сенді. Сосын барып қасындағы достарына сенді.
«Арман Құрылыс А» ЖШС директоры, кәсіпкер Мақсат Тоқболаевпен болған сұхбатты толығырақ аудионұсқадан тыңдай аласыздар.
Хабардың редакторы – Алмас Байдрахман.