Әлеуметтік осал топтағы қазақстандықтар «Елбасы жылуы» акциясы аясында көмек алатын болады. Бұл туралы Елбасының баспасөз хатшысы Айдос Үкібай Twitter-дегегі парақшасында мәлім етті.
«Бүгіннен бастап Қазақстанның Тұңғыш Президентінің бастамасымен «Елбасы жылуы» қайырымдылық акциясы бастау алады. Акция шеңберінде Нұрсұлтан Назарбаев қоры және «Дегдар» қайырымдылық қоры азық-түлік және бірінші қажеттіліктегі тауарлар түрінде мұқтаж қазақстандықтарға көмек көрсетеді», - деп жазды Айдос Үкібай.
Айта кетерлігі, өткен жылдың наурыз айында Тұңғыш Президент Нұрсұлтан Назарбаевтың бастамасымен пандемия жағдайында әлеуметтік осал топтағы азаматтарды қолдау үшін «Birgemiz» қоры құрылған болатын. Осыған орай Елбасы үндеу жолдаған еді.