«Air Astana» әуе компаниясына рейсті кешіктіргені үшін айыппұл салынды. Бұл туралы Азаматтық авиация комитеті мәлімдеді.
«2022 жылдың 16 шілдесінде «Эйр Астана» компаниялар тобына кіретін «Fly Arystan» бөлімшесі Алматы-Атырау бағыты бойынша КС-7202 рейсін 12 сағат 9 минутқа кешіктіргені анықталды. Ал жолаушыларға қонақ үй ұсыну қызметтері тиісінше ұсынылмаған. Осыған байланысты авиакомпанияға 1 000 АЕК (3 063 000 теңге) мөлшерінде айыппұл салынды»,-делінген хабарламада.