Бұл туралы Қаржы министрі Мәди Тәкиев Үкімет отырысында айтты.
«Мемлекеттік бюджетке шамамен 1 трлн теңге түсті немесе жоспар 111,5%-ға орындалды. Республикалық бюджетке кірістер 521 млрд теңге түсті немесе жоспар 78,4%-ға орындалды. Кірістер бойынша жоспар 143 млрд теңгеге орындалмады. Жергілікті бюджеттердің кірістері 191,3%-ға атқарылды және 526 млрд теңгені құрады», - деді министр.
Республикалық бюджет бойынша 1,5 трлн теңгеге шығыстар жүргізілген. 20 млрд теңге игерілмеген. Игерілмеудің неғұрлым ірі сомалары Мәдениет және ақпарат, Экология және табиғи ресурстар, Ішкі істер және Қорғаныс министрліктерінде қалыптасты.
Фото: azattyq-ruhy.kz