Олимпиадаға қатысатын Қазақстан делегациясына 900 млн теңгеге жуық қаржы бөлінді. Бұл ақпаратпен Спорт комитеті бөлісті.
“Қазақстандық делегацияның қатысуына жұмсалған шығын көлемі қазір 896 млн 687 мың теңге. Мемлекеттік бюджеттен бөлінген бұл қаражатқа спорт нысандарын жалға алу, сақтандыру, қазақстандық делегацияның ұшуы, штаб мүшелерінің тұратын орны мен тамақтануы кіреді”, – делінген хабарламада.
Делегация мүшелері Олимпиада үшін арнайы салынған аумақта тұрады.
Париждегі Олимпиада ойындарына 209 қазақстандық барады:
- спортшылар мен жаттықтырушылар – 149 адам (оның ішінде спортшылар саны – 80)
- Туризм және спорт министрлігі – 5 адам;
- Ұлттық Олимпиада комитеті – 10 адам;
- Спортты дамыту басқармасы – 6 адам;
- Ұлттық спорттық медицина және оңалту орталығының дәрігерлері, массажистері – 23 адам;
- БАҚ өкілдері – 16 адам.
Фото: atamekenbusiness,kz