Алматыда Esirtkisiz QAZAQSTAN жобасы аясында есірткіге және есірткі қылмысына қарсы күрес жөніндегі фронт-кеңсесінің салтанатты ашылуы өтті.
Бұл іс-шара «Esbol Qory» қоғамдық қорының («Есірткісіз Болашақ» ҚҚ) бастамасымен Қазақстан Республикасы Мәдениет және ақпарат министрлігінің, сондай-ақ Азаматтық бастамаларды қолдау орталығының қолдауымен жүзеге асырылды.
Фронт-кеңсенің мақсаты мен қызметтері:
- Жастарды, ата-аналар мен мұғалімдерді өмірлік дағдыларға үйрету;
- Кешенді және жүйелі алдын алу шараларын өткізу;
- Есірткіге қарсы белсенділерді БҰҰ стандарттарына сай даярлау;
- Алматы қаласындағы есірткі ахуалын бақылау және алдын алу шешімдерін әзірлеу.
Осындай фронт-кеңселердің құрылуы – қоғамда тұрақты есірткіге қарсы иммунитет қалыптастыру және қоғамдық қауіпсіздікті нығайтуға бағытталған ұлттық стратегияның бір бөлігі.
Фронт-кеңсе Алматы қаласы, Серіков көшесі, 6а/1 мекенжайында орналасқан.
Фото: ҚР Мәдениет және ақпарат министрлігінің баспасөз қызметі