27-29 мамыр аралығында президент Қасым-Жомарт Тоқаевтың шақыруымен елімізге Ресей Федерациясының президенті Владимир Путин мемлекеттік сапармен келеді, деп хабарлайды Ақорданың баспасөз қызметі.
— Мемлекет басшылары келіссөздер барысында Қазақстан мен Ресей арасындағы жан-жақты стратегиялық серіктестіктің және одақтастық қатынастардың қазіргі жай-күйін, сондай-ақ оны нығайту перспективасын талқылайды, — делінген хабарламада.
28 мамырда Еуразиялық экономикалық одаққа мүше мемлекеттер басшыларының қатысуымен Еуразиялық экономикалық форум өтеді.
29 мамырда Жоғары Еуразиялық кеңестің отырысы ұйымдастырылады.
Бұдан бұрын мамырдың басында мемлекет басшысы Қасым-Жомарт Тоқаев Мәскеу қаласына жұмыс сапарымен барды.
Фото: Ақорда