Ала қарға

Ала қарға

халық әні

Қарағым, айналайын, қал жақсыма?

Көзіңді сала берме әр жақсыға.

Көзіңді сала берсең әр жақсыға

Көрінер бәрі жақсы алғашқыда.

Қайырмасы: А-ха-хау, ала қарға

   Қонады жаржан-жарға.

   Қосылса екі жақсы

Угәй-угәй, арман бар ма.

Қараймын қарайғанға қабан ба деп,

Атымды қамшылаймын шабан ба деп.

Сұраймын өткеннен де, кеткеннен де

Ауылы қалқатайдың аман ба? - деп.