Абай атындағы опера және балет театрында «Салтанат» би ансамблінің концерті өтеді
15 қарашада Абай атындағы қазақ ұлттық академиялық опера және балет театрының сахнасында, «Салтанат» би ансамблінің, ел Тәуелсіздігінің 30-жылдығы арналған концерті өтеді. Шара Мәдениет және спорт министрлігінің қолдауымен ұйымдастырылады. Сахнада балет артистері өнер көрсетпек. Олардың арасында: Азамат Асқаров, Арқат Әшірбек, Жәнел Тукеева және Грозный қаласындағы Махмұд Эсамбаев атындағы Халықаралық би конкурсының Гран-При жүлдегері - Ернұр Қарықбол бар. Концерттік бағдарламаға қазақ халық билері, әлем халықтарының билері және жаңа қойылымдар енді.