Шахизада Байпатшанова: «Үшінші рет тұрмыс құрғым келмеді»

Екі рет тұрмыста болған Шахизада өзінен жас жігітке ғашық болып қалған. Бірақ әнші тұрмысқа шығуға асықпайды. 

Бұл туралы Шахизада Байпатшанова Қазақ радиосындағы «Түнгі толқын» жастар бағдарламасында айтты. 

«Әр адамның өзінің жеке өмірі бар. Өз өміріме өзім жауаптымын. Маған сезімін білдіретін жігіттердің жасын сұрамаймын. Қатты арсыз емеспін. Сондықтан, өзімнің баламмен немесе немереммен жасты жігіттерден өзімді алыс ұстауға тырысамын. Жасыратын ешнәрсе жоқ. Қазіргі таңда мені жақсы көретін жас жігіт бар. Маған ғашық болған жанның көңіліне қаяу түсіріп, сөзін қайтарғым келмейді. Қазіргі таңда көпшілік әдемі сөзге, шынайы сезімге зәру. Сондықтан, бақытты болғанға не жетсін. Үшінші рет тұрмыс құрғым келмеді. Еркетерден көңілім қалды.  Бірақ, ұсыныс жасағандар болды»,- дейді әнші. 

Бағдарлама қонағының айтуынша, оның ер азаматы өнер адамы болмаса да, өнерді бағалайтын жан.