Айдар Шәрібаев: «Головкиннің орнын басар ізбасарлар көп»

Қазақстанда кәсіпқой бокс қарқынды дамып келеді. Оған «Промоутер» орталықтардың көбеюі дәлел.  

Бұл пікірді спортшы Айдар Шәрібаев Қазақ радиосындағы «Армандастар» бағдарламасында айтты.

«Промоутер орталықтар - ең бастысы спортшыға барлық жағдайды жасайды. Алаңға, аламанға баптайды. Келіссөздер жүргізіп, жарнама жұмыстарымен айналысады. Головкиннің ізбасарлары деп Бекман Сойлыбаевты, Батыр Жүкембаевты, Абылайхан Құсайыновты, Мадияр Ашкеевты, Мейірім Нұрсұлтановты, Асхат Уәлихановты, Жәнібек Әлімханұлын атап өтер едім. Барлығы да сен тұр мен атайын деген азаматтар. Осы уақытқа дейін спорт сүйер қауым Головкин үшін демалыс күндері ерте оянған болса, бұдай былай, бокс үшін жиі оянатын болады», - дейді студия қонағы.