Астана - 106,8FM Алматы - 101,00 FM Шымкент - 106,40FM Талдықорған - 101,00FM Көкшетау - 101,00FM Ақтөбе - 102,20FM Атырау - 101,00FM Өскемен - 104,00FM Семей - 100,10FM Аягөз - 101,00FM Тараз - 100,80FM Орал - 101,20FM Қарағанды - 103,40FM Қызылорда - 102,00FM Ақтау - 100,5FM Павлодар - 101,00FM Петропавл - 106,80FM Түркістан - 101,00FM

Төлеген Мұхамеджановпен кездесу өтеді

Төлеген Мұхамеджановпен кездесу өтеді

Биылғы жылдың 17 қазанында Астанадағы «Қазмедиа орталығының» Конференц-залында қазақтың көрнекті сазгері әрі қоғам қайраткері Төлеген Мұхамеджановпен кездесу өтеді.

70 жылдық мерейтойына орай сазгер Мәскеудегі ең ежелгі «Музыка-П.И.Юргенсон» баспасында шығарылған ең ауқымды туындысы – «Махамбет» симфониялық поэмасының партитурасын жұртшылыққа таныстырады. Айта кетерлігі, 150 жылдық тарихы терең бұл атақты баспада әртүрлі жанрдағы көптеген музыкалық туындылар, музыка тарихы жайлы кітаптар басып шығарылды.

Сондай-ақ, кездесу кезінде Төлеген Мұхамеджановтың аспаптық композициялардан тұратын «Өмір өзені» атты жаңа альбомының таныстырылымы өтеді. CD-дисктің мастерингін жасаумен Sterling Sound атты әлемдегі ең үздік дыбыс жазушы студиясы (АҚШ) айналысты. Сонымен қатар, Т. Мұхамеджанов 2017 жылы Мәскеуде Жан Луна деген лақап атпен шығарылған поэзиялық шығармалары мен прозасының екі томдығын таныстырады.

Сазгердің танымал әндері мен фортепианалық миниатюраларынан тұратын екі ноталар жинағын таныстыру ән сүйер қауым үшін тосын сыйға айналары сөзсіз. Жинақтар әнқұмарлардың өз үйінде музыка ойнауы үшін арналған, сондай-ақ, музыкалық оқу мекемелерінің студенттері оны оқу материалы ретінде қолдана алады.