Президенттің Қазақстанды саяси жаңғырту жөніндегі бастамалары Хорватияда жоғары бағаланды

Көрнекті саясаткерлер мен қоғам қайраткерлері, парламент депутаттары, Хорватия-Қазақстан достығы қоғамының мүшелері, дипломаттар мен журналистер ҚР Президенті Қасым-Жомарт Тоқаев ұсынған бастамалар мен реформаларды талқылады.

Қазақстан Елшісі Алтай Әбибуллаев Қазақстандағы саяси және экономикалық трансформацияның жаңа кезеңі, Жаңа Қазақстан - Екінші Республика құрылысының басталуы, сондай-ақ әділ қоғам тетіктерін, демократиялық құндылықтар мен адам құқықтарын нығайтудың басты қағидаттары туралы жан-жақты хабардар етті. Ү.ж. 5 маусымда өтетін референдум және конституциялық реформаның мақсаттары туралы толық ақпарат ұсынылды.

Хорватияның экс-президенті Степан Месич конституциялық түзетулер жобасы бойынша азаматтардың жаппай дауыс беруі Қазақстанның демократиялық қағидаттарға берік бейілділігін көрсететінін атап өтіп, Қазақстанның мемлекеттік жүйені жетілдіру жөніндегі күш-жігерін құптады. «Белгіленген жоспарларды іске асырған жағдайда, Жаңа Қазақстан шын мәнінде статистикалық еуропалық демократиялық мемлекетке айналады. Бұл бастамалардың дер кезінде жүзеге асатынына, олар әділ және құқықтық мемлекет құруда, әлеуметтік стандарттар мен халықтың тұрмыс деңгейін арттыруда маңызды қадам болатынына сенімдімін. Біз тек Қазақстанды құттықтап, саяси өзгерістер бағытын жүзеге асыруға қолдау көрсете аламыз, - деді Хорватияның бұрынғы президенті.

Хорватия Сабордың вице-президенті Даворко Видович парламенттің рөлін күшейтуге және саяси партиялар құру тәртібін жеңілдетуге бағытталған реформаларды атап өтті. Оның пікірінше, бұл билік институттарының оңтайлы тепе-теңдігін қамтамасыз етеді және азаматтардың саяси және әлеуметтік саладағы құқықтарының кеңеюіне ықпал етеді. «Заңнамалық актілерді мойынсұнып қабылдайтын органның орнына тежемелер мен теңестірмелер бар парламенттік жүйесін енгізу саяси институттар мен басқарудың тұрақтылығы үшін айтарлықтай пайда әкеледі», - деп атап өтті Д.Видович.

Хорватия-Қазақстан достығы қоғамының төрағасы Андрия Карафилипович «Президент Қасым-Жомарт Тоқаев ұсынған Екінші Республика елді, әсіресе Батыста, қабылдауды өзгертуге мүмкіндік береді және Қазақстанды оның халқы армандайтын идеалға жақындатады» деп есептейді. Ол өз сөзінде ҚР басшылығының реформаларды жүргізуге жүйелі көзқарасын атап өтіп, «Конституцияға енгізілетін түзетулер елдің одан әрі даму векторын қойып қана қоймай, Қазақстанның сапалы жаңа деңгейге көтерілгенін айғақтайтын бірқатар прогрессивті шараларды көздейді. Мемлекеттік модельді кешенді қайта құру, Конституциялық сот құру, өлім жазасына тыйым салу және адам құқықтары жөніндегі уәкіл мәртебесін күшейту – бұл, әрине, халықтың елді басқаруға қатысу мүмкіндігін және азаматтардың құқықтарын кеңейтетін қоғамда күтілетін өзгерістер».

Дөңгелек үстелді қорытындылай келе,  А. Әбибуллаев дөңгелек үстелге қатысушыларды келе жатқан Хорватияның ұлттық мерекесі - Мемлекеттілік күнімен құттықтап, жаһандық сын-қатерлер жағдайында Қазақстан саяси жаңғыру және экономикалық реформалар жолымен сенімді жүріп жатқанын мәлімдеді. Екі ел арасындағы дипломатиялық қатынастардың орнағанына 30 жыл толуында жарияланған Жаңа Қазақстанды құру тұжырымдамасы екіжақты қарым-қатынастардың одан әрі нығаюына ықпал ететін болады.