Еркем-ай(4-түрі)

Еркем-ай(4-түрі)

халық әні

Айт дегенде өлеңді аңыраймын,

Көлден ұшқан аққудай мамырлаймын, еркем-ай,

Бүгін болған мереке,

Болсын тағы ертең-ай.

Қайда жүрсем жақсының жанындамын,

Іздегенмен жаманға табылмаймын, еркем-ай,

Бүгін болған мереке,

Болсын тағы ертең-ай.

Әншілердің серігі домбыра ма,

 Тарта берсең домбыра болдыра ма,

Бүгін болған мереке,

Болсын тағы ертең-ай.

Домбыраны баппенен қолға алып,

Шарықтата әнге сал оң бұра да еркем-ай,

Бүгін болған мереке,

Болсын тағы ертең-ай.

Еркем- ай бүгінгі болған мерекең,

Болсын тағы, тағы, тағы ертең-ай.