Жайдарман

Жайдарман

халық әні

Жаз күніндей жайнаған, жайдарманым,

Аңсап келдім алыстан, ғашық жарым.

Жайдарман, жақын кел,

Жан-жар етем, қолың бер.

Сүйген жарға сүйсінтіп, тыңдатам деп,

 Әдейі арнап әкелген , әдемі әнім.

Жайдарман, жақын кел,

Жан-жар етем, қолың бер.

Алыс кетсем артымда әнім қалсын,

Сүйген жарым, жайдарман, шырқап салсын.

Жайдарман, жақын кел,

Жан-жар етем, қолың бер.

Ауылым шалғай кеткенде жайдарманым,

Құлағыңа құмығып даусым барсын.

 Жайдарман, жақын кел,

Жан-жар етем, қолың бер.

Көрінесің жайдарман егіндей боп,

Жаңа шыққан егіннің көгіндей боп.

Жайдарман, жақын кел,

Жан-жар етем, қолың бер.

Ауылым шалғай кеткенде, жайдарманым,

Жан көрінбес көзіме өзіңдей боп.

Жайдарман, жақын кел,

Жан-жар етем, қолың бер.