Ақ қаз едің, дариға-ай

Ақ қаз едің, дариға-ай

халық әні

Егіндей боп, ендеше егіндей боп,

Жайқаласың егіннің көгіндей боп, әгугәй.

Аулың алыс кеткенде-ау, беу қарағым

Кім көрінер көзіме өзіңдей боп, әйугәй.

Угәй-угәй, әй угәй, ақ қаз едің, дариға-ай.

Меңдей болып, ендеше меңдей болып,

Кескен қайың қалады-ау жеңдей болып, әйугәй.

Аулың алыс кеткенде, беу қарағым

Кім көрінер көзіме сендей болып, әйугәй.

Угәй-угәй, әй угәй, ақ қаз едің, дариға-ай.