Ұлттық музейде халықаралық ретроспективті көрме ашылды
"Шалқар шаңырағына" ҚР еңбек сіңірген қайраткері, "Құрмет" орденінің иегері, профессор, ҚР дизайн академиясының төрағасы, академик Ермек Асылханов пен ҚР Ұлттық дизайн академиясының академигі, еліміздің құрметті құрылысшы Сәрсенбай Жасағанберген, ҚР Ұлттық дизайн академиясының академигі, құрметті дизайнер Есенғали Ахметов қатысып, сүбелі сұхбат берді.
"Биыл – Қазақстан Республикасы Тәуелсіздігінің 30 жылдығы. Осы датаға байланысты Еуразиялық Дизайнерлер Одағының ұйымдастыруымен ҚР Ұлттық музейінде халықаралық ретроспективті көрме ашылды. Қазақстандық дизайнерлердің, суретшілердің еңбегін әлемдік нарыққа шығару, әлемдік қауымдастықта еліміздің салт-дәстүрін, әдет-ғұрпын, мәдениетін таныстыру мақсатындағы бұл іс-шара – өте ауқымды, алда бірнеше ірі жоба күтіп тұр", – дейді студия меймандары.
Еуразиялық Дизайнерлер Одағының халықаралық ретроспективті көрмесі – Азиядағы бірегей көрме болып табылады. Аптаның соңына дейін жалғасатын көрме аясында Ұлттық музейде киім дизайны, сурет, сәндік - қолданбалы өнер, мүсін, сондай-ақ зергерлік әшекейлер көрмесін көруге болады.
Сұхбаттың толық нұсқасын аудиодан тыңдай аласыздар.
Бағдарламаны жүргізген Ләззат Тиышбекқызы.