Жайық өзеніндегі су деңгейі Орал қаласы тұсында төмендеді

Жайық өзеніндегі су деңгейі Орал қаласы тұсында бір тәулікте 1 сантиметрге төмендеді.

«Қазгидромет» РМК БҚО филиалынан түскен мәліметке қарағанда, 24 сәуір күні сағат 08.00-де су деңгейі Оралдағы гидробекетте 863 сантиметрді (қауіпті шегі – 850 см) көрсетті, бұл кешегіден 1 сантиметрге кем.

Сол секілді Бәйтерек ауданы Январцев ауылында 7 сантиметрге түсті (887 см, қауіпті шегі – 1 250 см).

Есесіне Көшімде 2 (858 см), Ақжайық ауданы Тайпақ ауылында 9 сантиметрге (538 см) жоғарылағаны байқалады.

Көшім каналындағы су деңгейі кешегіден (825 см, қауіпті шектен 25 сантиметрге асып тұр) өзгерген жоқ.

Облыстың басқа өзендерінде су деңгейінің түскені байқалады.

Дереккөз: inform.kz