Мәдениет жаңалықтары
"Астана" радиосының жаңа жобасы - "Жаңа" хабарында аптаның мәдениет жаңалықтарына шолу жасалды.
- Мемлекет басшысы Қасым-Жомарт Тоқаев алтыншы шақырылымдағы Парламенттің VI сессиясын ашып, артынша Қазақстан халқына жыл сайынғы дәстүрлі Жолдауын жариялады.
- Қазақстан Президенті Мәдениет және спорт министрі Ақтоты Райымқұлованы қабылдады.
- ҚР Ұлттық музейі 1 қыркүйектен бастап келушілерді қабылдай бастады.
- ҚР Ұлттық музейінде Қазақстан Республикасының еңбек сіңірген қайраткері, Қазақстан ҰҒА академигі, профессор Нұрлан Жұмағұлұлын еске алуға арналған көрме ашылды.
- Қазақстан Республикасының Ұлттық академиялық кітапханасы карантиннен кейін оқырмандарды қабылдай бастайды. Ал балалар кітапханасы Абай Құнанбайұлының 175 жылдығына арналған «Асыл сөзді іздесең...» атты on-line марафон жариялады
- Театр және кино саласының майталманы Талғат Теменов «Достастық жұлдыздары» Мемлекетаралық сыйлығына ие болды.
- Елордадағы Қазақ театрының ұжымы жаңа ғимараттың алаңына 85 түп ағаш отырғызды.
Осы және өзге де мәдениет жаңалықтарын аудионұсқадан тыңдай аласыздар.
Хабардың жүргізушісі: Айсәуле Бейсенхан.