Елордада Бәйгеден V Қазақстан Чемпионатына іріктеу өтеді

Құрметті елорда тұрғындары және қала қонақтары!

Астана қаласының ипподромында 5 тамыз күні сағат 10:00-де Бәйгеден V Қазақстан Чемпионатының іріктеу кезеңі өтеді.

Ел біріншілігі Астана қаласының әкімдігі мен ҚР Ұлттық спорт түрлері қауымдастығының ұйытқы болуымен өткізілмек. Шоқтығы биік ұлттық спорт жанкүйерлері мен кәсіби спортшылардың жүрегін жаулап алатын оқиға Астана қаласының ипподромында өтеді.

Шабандоздар әртүрлі жүлде мен финалдық сайысқа берілетін жолдаманы ұтып алу үшін өткізілетін жарыс аясында өз шеберлігі мен кәсіби деңгейін көрсету мүмкіндігіне ие болады.

Турнир ат жарысының құнан бәйге, топ бәйге, аламан бәйге және жорға жарыс сияқты төрт түрі бойынша өтеді, жалпы жүлде қоры – 23 500 000 теңге.