Елордалық балаларды қызылшаға қарсы жаппай вакцинациялау жалғасып жатыр
![Елордалық балаларды қызылшаға қарсы жаппай вакцинациялау жалғасып жатыр](https://cdn.qazradio.fm/2024/1/16/1705385152884.jpeg?w=750&format=jpg)
Астанада 6 айдан 10 айға дейін және 2 жастан 4 жасқа дейінгі балаларға қызылшаға қарсы қосымша жаппай вакцинация жүргізілуде, деп хабарлайды елорда әкімдігінің ресми сайты.
Вакцинация қаланың барлық Алғашқы медициналық-санитарлық көмек ұйымдарында жүргізіледі. Вакцинация алу үшін тіркелген жері бойынша емханаға хабарласу қажет. Қосымша жаппай иммундау үшін егу кабинеттері күн сайын сағат 8:00-ден 18:00-ге дейін жұмыс істейді.
Вакцинация алдында дәрігер тексеру жүргізеді, қызылшаның алдын алу және вакцинациядан кейінгі ықтимал реакциялар туралы кеңес береді.
Айта кету керек, елімізде және қаламызда аурушаңдықтың өсуіне байланысты қызылшаға қарсы қосымша жаппай иммундау қажет болды. Науқастардың көпшілігі 18 жасқа дейінгі балалар, негізінен 7 жасқа дейінгі балалар (85%) ауруханаға жатқызылды.
Дәрігерлер инфекцияның таралуы вакцинацияланбаған балалар санының көбеюімен байланысты екенін, яғни ата-аналардың вакцинациядан бас тартуы, вакцинация мерзімін кейінге қалдыру және т.б. себеп бар екенін атап өтті.
Бұл ретте халықтың ең қорғалмаған санаттары 6 айдан 11 айға дейінгі балалар. Егер баланың анасы вакцинацияланбаған болса, онда 6 айға дейінгі нәрестелерде қызылшаға шалдығу қаупі өте жоғары, өйткені баланың денесінде ана сүтімен берілетін аналық антиденелер жоқ. Сондықтан егу жасына (1 жасқа) жетпеген балалар қауіпті аймақта болып саналады. Дәрігерлер қызылшаның таралуын тоқтатудың және Балаларды қорғаудың жалғыз жолы вакцинация екенін еске салады.
Фото: Астана әкімдігінің ресми сайты