Астанада «Жұмыс істейтін жастар үшін сатып алу құқығынсыз жалға берілетін тұрғын үй» бағдарламасының қорытындысы жарияланды
![Астанада «Жұмыс істейтін жастар үшін сатып алу құқығынсыз жалға берілетін тұрғын үй» бағдарламасының қорытындысы жарияланды](https://cdn.qazradio.fm/2024/1/16/1705385747210.jpeg?w=750&format=jpg)
Тұрғын үй және тұрғын үй инспекциясы басқармасы және zhilfond.kz сайтында «Жұмыс істейтін жастар үшін сатып алу құқығынсыз жалға берілетін тұрғын үй» бағдарламасы бойынша өткен азаматтардың тізімі жарияланды. Бұл туралы елорда әкімдігінің ресми сайты Тұрғын үй және тұрғын үй инспекциясы басқармасына сілтеме жасап хабарлады.
Өтінім берген қатысушылар арасында іріктеу балдық жүйе бойынша жүргізілді, пәтерлерді бөлу және бөлінетін тұрғын үйдің жалпы ауданын айқындау конкурс қорытындысы бойынша қойылған балдар мен өтініш берушідегі балалар саны (бар болса) негізінде жүзеге асырылатын болады.
Бағдарламаның барлық қатысушыларына өтінімнің статусы туралы «Мақұлданды» немесе «Қабылданбады» SMS – хабарлама жіберіледі.
Егер Сіз қандай да бір себептермен SMS хабарлама алмаған болсаңыз, онда сіздің өтініміңіздің статусымен qatysu.zhilfond.kz порталындағы жеке кабинет арқылы білуге болады.
«Мақұлданды» мәртебесі бар SMS алған, бірақ өткендердің жарияланған тізіміне кірмеген азаматтар пәтер лимиттерінің аяқталуына байланысты іріктеуден өткен жоқ.
Қоныстану күні мен уақыты, пәтердің мекенжайы бағдарлама бойынша өткендер үшін қосымша хабарланатын болады және толық ақпарат Астана қаласының тұрғын үй орталығының ресми интернет-ресурстарында жарияланатын болады.
«Жұмыс істейтін жастар үшін сатып алу құқығынсыз жалға берілетін тұрғын үй» бағдарламасы бойынша қоныстандыру объектілер мен жалдау шарттарының дайындығына қарай жарияланатын қоныстандыру кестесіне сәйкес жүзеге асырылады.
Фото: Астана әкімдігінің ресми сайты