Астанада тәулік бойы жұмыс істейтін жарақат пунктері қайда орналасқан
![Астанада тәулік бойы жұмыс істейтін жарақат пунктері қайда орналасқан](https://cdn.qazradio.fm/2024/2/9/1707453472935.jpeg?w=750&format=jpg)
Ауа райының нашарлауына байланысты елордалық жарақат пунктері тәулік бойы күшейтілген режимде жұмыс істеп жатыр, деп хабарлайды елорда әкімдігінің ресми сайты.
Ересек адамдар мына жарақат пунктерінде қабылданады:
- Р. Қошқарбаев даңғылы, 66 (№1 көпсалалы қалалық аурухана);
- Ә.Молдағұлова көшесі, 28 (№3 көпсалалы қалалық аурухана).
- Абылай хан даңғылы, 15 (Ұлттық ғылыми травматология және ортопедия орталығы).
Балалар жарақат пунктері келесі мекенжайлар бойынша жұмыс істейді:
- Р.Қошқарбаев даңғылы, 64 (№2 көпсалалы қалалық балалар ауруханасы);
- Желтоқсан көшесі, 34 (№2 қалалық емхана).
Қоғамдық денсаулық сақтау басқармасы қала тұрғындары мен қонақтарын өте сақ болуға және қауіпсіздік ережелерін сақтауға шақырады.
Жарақат алмау үшін дәрігерлер ыңғайлы, табаны жалпақ аяқ киім киюге, сондай-ақ әсіресе балалар мен зейнет жасындағы тұрғындарға үйден шықпауға кеңес береді.
Жарақат алған жағдайда дереу медициналық көмек көрсету пунктеріне хабарласу қажет.