Астанада балалар бірлігі жүгірісі өтеді
![Астанада балалар бірлігі жүгірісі өтеді](https://cdn.qazradio.fm/2024/4/23/1713848010221.jpeg?w=750&format=jpg)
28 сәуірде елордада "Бірлік жүгірісі" балалар бірлігі жүгірісі ұйымдастырылады. Спорттық іс-шара Қазақстан халқының бірлігі күніне орай өткізіледі, деп хабарлайды Астана әкімдігінің ресми сайты.
Іс-шараның негізгі мақсаты - еліміздің барлық этностарын спорт, салауатты өмір салты төңірегінде біріктіру. Сонымен қатар, бұл бүкіл отбасымен уақыт өткізуге және демалуға тамаша себеп.
Жарыс Экспо аумағында сағат 7:00-де басталады. Қашықтық - 1 км. Жарысқа 6 жастан 17 жасқа дейінгі балалар қатыса алады. Барлық тіркелген қатысушыларға бастапқы рюкзак пен футболка беріледі. Ал мәре сызығында барлығы медаль алады. Орындар саны шектеулі.