Астанада «Диктант» жобасы өтеді

Астанада тілек білдірген кез келген қала тұрғынына арнап «Диктант» жобасы өткізіледі. Бұл жоба бүкіл Қазақстан бойынша ұйымдастырылады, деп хабарлайды елорда әкімдігінің ресми сайты.

Жобаның негізгі мақсаты – сауатты болу əрбір адам үшін маңызды екенін көрсету, қазақ тілін үйрену қызықты əрі пайдалы екеніне көз жеткізу, қазақ тілінде жазғысы жəне сөйлегісі келетін немесе еркін сөйлей алатындардың басын біріктіру.

Жоба Diktant.stan.kz арнайы сайтында жүзеге асырылады. Арнайы сайт пайдаланушыларға акцияға 3 апта қалғанда қол жетімді болады. Ол жерде «Диктант» нұсқаулары мен ережелері туралы толық ақпарат беріледі.

Айта кетсек, диктанттың барлық қатысушылары бағасы көрсетілген атаулы сертификатқа ие болады. Ал жазба жұмысын ең үздік жазып шыққан үш адамның арасында бағалы сыйлықтар ойнатылады.

Диктант жазу уақыты шектеулі. Оқылған мəтінді 30 минут ішінде жазып бітіруіңіз керек. Спикер мəтінді бейнежазба форматында оқиды.

«Біз қазақ тілінде жазатын жəне сөйлейтін, ана тілінің болашағы үшін шын жүректен алаңдайтын адамдардың басын қостық. Бүгінге дейін жобаға 38 500 адам қатысты», – дейді жоба ұйымдастырушылары.

Фото: kaz.zakon.kz