Майра Мұхамедқызы «BraVo» сыйлығының иегері атанды

Қазақстанның еңбек сіңірген әртісі, ҚР Мемлекеттік сыйлығының лауреаты, Шымкент қалалық опера және балет театрының директоры Майра Мұхамедқызы классикалық өнер саласындағы «BraVo» сыйлығының иегері атанды, деп хабарлайды ҚазАқпарат. «BraVo» халықаралық кәсіби музыкалық сыйлығын табыстау рәсімі Мәскеудегі Үлкен театрдың тарихи сахнасында өтті. Кештің басты оқиғасы ретінде түрлі елден келген лауреаттарға алтын скрипка кілттері табысталды. Майра Мұхамедқызы 15 номинация ішінен «Әріптес елдің ең танымал классикалық орындаушысы» атағын жеңіп алды.