Астана - 102,7FM Алматы - 102,8FM Ақтау - 103FM

Елордада Батырхан Шүкенов атындағы мемориал ашылады

Елордада Батырхан Шүкенов атындағы мемориал ашылады

Елордада танымал музыкант, композитор және әнші Батырхан Шүкенов атындағы қоғамдық кеңістік ашылады. Президент саябағындағы бақылау алаңында шығармашылық кештер, воркауттар мен көрмелерге арналған кеңістік түріндегі мемориал пайда болады. Бұл туралы Нұр-Сұлтан қаласының Урбанистика орталығының басшысы Елнар Базыкен мәлімдеді, деп хабарлайды Almaty.tv 

Еске салайық, жазда Батырхан Шүкеновке ескерткіш орнатуға арналған идеялар байқауы жарияланған болатын. Көптеген нұсқа қарастырылды. Кейін Нұр-Сұлтан қаласы әкімдігінің қалалық урбанистика орталығының Батырхан Шүкенов қорымен бірлескен жұмысының нәтижесінде саябақ аймағында шығармашылық кеңістік түрінде мемориал жасау туралы шешім қабылданды. Жоба жеке қаражат есебінен жүзеге асырылады.

"Авторлардың ойынша, бұл - Ольга Веселова, Ладо Ломиташвили, Әсел Есжанова, павильонды жоғарыдан қарайтын болсақ, барлығының сүйікті орындаушысының атын көруге болады. Тақырыптық алаңда серуендеп, шығармашылыққа бір табан жақындауға болады", – деп түсіндірді Урбанистика орталығының басшысы Елнар Базыкен.

Аталған алаңда павильондар салу жоспарланып отыр, онда ғылыми-танымал дәрістер өткізіледі, паблик-арт бойынша жазғы мектеп, концерттер, театр қойылымдары, көркем перформанстар мен қойылымдар жұмыс істейді.

Батырхан Шүкенов атындағы мемориалды 2022 жылы ашу жоспарланып отыр. Халықтың сүйікті әншісі 2022 жылдың 18 мамырында 60 жасқа толар еді.