«Уақыт көз алдында» көрмесі

Әбілхан Қастеев атындағы Қазақстан Республикасының Мемлекеттік өнер мұражайында. 11 маусымда «Уақыт көз алдында»  көрмесі ашылады. Көрмеге тоғыз кәсіби суретшінің, Алматы технологиялық университетінің «Дизайн» кафедрасының оқытушыларының кескіндеме, графика және сәндік-қолданбалы өнердің 80-нен астам жұмыстары қойылады. Қатысушылардың өздері айтқандай, көрме сұлулыққа, табиғат пен адам жасаған, эмоцияны тудыратын және әсер ететін құбылыстарға арналған. Вернисаж 2 шілдеге дейін жалғасады.