Сыдық Мұхамеджановтың 100 жылдығына арналған музыкалық кеш өтті

Алматыдағы ҚР Ұлттық кітапханасында композитор, Қазақстанның композиторлар мектебінің негізін қалаушылардың бірі Сыдық Мұхамеджановтың 100 жылдығына арналған музыкалық кеш өтті.
Аталмыш кештің мақсаты - Қазақстандағы Қазақ симфониялық музыкасының негізін қалаушы С.Мұхамеджановтың өмірі мен шығармашылығын дәріптеу, кейінгі ұрпаққа музыкалық шығармалар мен әдебиет арқылы оның шығармашылығын таныстыру.
Іс-шараға консерватория оқытушылары мен студенттері, Абай атындағы Қазақ Ұлттық опера және балет театры солистерінің шығармашылық тобы; музыкалық колледждер мен мектептердің оқушылары, кітапхана оқырмандары қатысты.
Музыкалық шара аясында өнер залында композитордың өмірі мен шығармашылық жолын ашатын «Саз әлемінің саңлағы» кітап көрмесі ұйымдастырылып,  композитордың операларынан және Абай әндерінен үзінділер орындалды.