Құрманғазы атындағы қазақ халық аспаптар орекстріне 90 жыл толды

Биыл халқымыздың ұлттық кәсіби музыка өнерінің қарашаңырағы, ұлт руханиятының шыңы – қазақтың аспаптық-музыка мәдениетін әлемге танытып жүрген өнер ордасы, еліміздегі тұңғыш оркестр Құрманғазы атындағы Қазақ ұлттық халық аспаптар оркестрінің құрылғанына 90 жыл. 1934 жылы алғашқы ұлттық аспаптар оркестрінің іргетасын қалап, еңалғашқы көркемдік жетекшісі әрі бас дирижері академик Ахмет Жұбанов болды.
Ал 1944 жылы жылы оркестрдің он жылдығы қарсаңында Қазақ ССР Жоғары Кеңесінің арнайы қаулысымен музыкалық ұжымға ұлттық саз өнерінің классигі Құрманғазы Сағырбайұлының есімі берілді.
Аталмыш өнер ордасының мерейтойы 2024 жылғы 3 қазан күні халықаралық деңгейдегі «ІНЖУ-МАРЖАН» концертімен, 4 қазан еліміздің облыстарындағы оркестрлердің Бас дирижерлерінің қатысуымен «ДИРИЖЕРЛЕР ШЕРУІМЕН» тойланады. Сонымен қатар, мерейтойлық кеште тұңғыш оркестрдің қалыптасу кезеңінен мағлұмат беретін құнды жәдігерлер топтамасынан және қазақ музыка тарихындағы күйші-композиторлардың домбыраларынан жылжымалы көрме ұйымдастырылады.