Сальвадор Дали туындыларының түпнұсқалары Астанада

20 ғасырдың дарынды суретшісі, испандық Сальвадор Дали туындыларының түпнұсқалары Астана жеткізіліп, көрмеге қойылды. Мәдени мұраны жеке коллекционерлер және Еуропа мен Американың галереялары ұсынған. Қылқалам шеберінің 5 сериадан тұратын жауһарларын қала тұрғындары мен қонақтары айдың соңына дейін тамашалай алады. Қаз-қатар тізілген 61 туынды - өнер әлемінің баға жетпес байлығы саналады. Сальвадор суреттерінен құр кескін ғана емес, астары мол, метафораның әдемі үйлесімін байқауға болады. Ұйымдастырушылар көрмені Қазақстанға әкелу үшін еселі жұмыс атқарып, жылдар бойы кезек күткен.
Көрмеге келушілер "Кармен", "Алисаның Ғажайыптар еліндегі шытырман оқиғалары", "Далиндік жылқылар"серияларының туындыларын тамашалай алады. Сондай-ақ Педро де Аларконның "Үшбұрыш" әңгімесі мен "махаббат трилогиясына" арналған иллюстрациялары ұсынылған.