Биыл Абай атындағы Қазақ ұлттық опера және балет театрының құрылғанына - 90 жыл

Биыл Абай атындағы Қазақ ұлттық опера және балет театрының құрылғанына - 90 жыл. Сондай-ақ, Ахмет Жұбанов пен Латиф Хамидидің «Абай» опералық спектаклінің жарыққа шыққанына 80 жыл толып отыр. Өнер ордасы жаңа маусымды дәстүрге сай осы қойылыммен ашып,  театр ардагерлеріне құрмет көрсетті.
Жылдар бойы өмірін сахнаға арнаған жандарға арнайы төсбелгі мен сыйлықтар табысталды. Салтанатты шараға КСРО Халық артисі және Мемлекеттік сыйлықтың иегері Бибігүл Төлегенова, Қазақ КСР Халық артисі және Мемлекеттік сыйлықтың иегері Раушан Байсейітова бастаған өнер майталмандары мен опера және балет театрының артистары қатысты.