«Астана Опера» театрының Шымкент өңіріне сапары мәресіне жетті

Елордалық труппа  Шымкенттік көрерменге «Гала Опера» концерттік бағдарламасын тарту етті.
Бұл кештің басты ерекшелігі, опера жанрына енді аяқ басқан өнерпаздармен қатар бекзада өнердің биігінде жүрген артистар қатысты.
Елордалық ұжымды шырайлы Шымкент тұрғындары жылы қарсы алды. Бірегей труппаның да қалың көпшілікке дайындаған тартуы аз емес еді. "Гала Опера" кеші опера жанрының үздік туындыларын топтастырған. Сахна төрінде "Астана Опера" театрының оркестрімен қатар, хор әншілері төбе көрсетті.
Қыз Жібек" операсындағы Шегенің термесі, "Біржан - Сара" айтысынан үзінді, Чайковский, Вивалди секілді әлемдік композиторлардың шабытқа толы шығармалары. Опера кеші осындай екі үлкен тақырыпты қамтыды. Сондай-ақ флейта мен скрипкаға арналған сырлы музыкаға да кезек берілді.