«ЛЮДВИГ ван БЕТХОВЕН»-ның шығармашылығына арналған кеш

Жамбыл атындағы филармонияның Үлкен залында Төлепберген Әбдірашев атындағы ҚР Мемлекеттік академиялық симфониялық  оркестрінің, Қазақстанның еңбек сіңірген қайраткері Ерболат Ахмедьяровтың дирижерлік етуімен «Людвиг ван Бетховен» концерті өтті.
Көркемдік жетекшісі және бас дирижері Қанат Омаров. Кеш Қазақстанның халық артисы, «Құрмет» және «Парасат» ордендерінің кавалері, профессор Гүлжамиля Қадырбекованың 70 жылдығына арнап ұйымдастырылды.
Концертте оркестрдің сүйемелдеуімен Б.Байқадамов атындағы Мемлекеттік хор капелласы Л.В.Бетховеннің «Фортепиано, хор және оркестрге арналған фантазия», И. Брамстың «Махаббат әуендері» екі фортепиано және хорға арналған ор. 52 шығармасын орындады. Көркемдік жетекшісі және бас дирижері Қазақстанның еңбек сіңірген қайраткері, «Құрмет» орденінің кавалері - Бейімбет Демеуов.