Биыл Фариза Оңғарсынованың туғанына 85 жыл

Фариза – рух жанартауы. Атырауда осындай атаумен көрнекті ақын, халық жазушысы Фариза Оңғарсынованың туғанына 85 жыл толуына орай әдеби-танымдық конференция өтті. Жиында ақынның өлеңдері оқылып, өмірі мен шығармашылығы жайында сөз болды.
Фариза өткен ғасырдың 70 жылдары дауылды жырларымен қазақ поэзиясына енді. Көзі тірісінде талантымен, дүниетанымымен, қайталанбайтын өршіл мінезімен өлеңді өлшеусіз биікке көтеріп, қазақ әдебиетін, көркем сөзін әлемдік кеңістікке танытты. Поэзия падишасының жарқын бейнесі мен жауһар жырлары бүгінде халықтың жүрегінде, ұрпақ жадында мәңгі сақталады. Шараға жиналғандар Фариза ескерткішіне барып, гүл шоқтарын қойды.