Алматыда отандық музыка тарихына арналған «91-23» кітабы таныстырылды

Алматыда отандық музыка тарихына арналған «91-23» кітабы таныстырылды. Басылымда 1991 жылдан бастап, 2023 жылға дейінгі аралықтағы Қазақстанның музыкалық мұрасы қамтылған. Авторлар белгілі өнер қайраткерлері мен жас орындаушылардың шығармашылығы арқылы мәдениеттің қалыптасуы мен дамуын баяндайды. Кітаптан оқырман Батырхан Шүкенов, Роза Рымбаевадан бастап, топтар мен жеке орындаушылардың шығармашылық жолдарымен таныса алады. Еңбек екі тілде жарық көрді. Орыс тіліндегі нұсқасының авторы Александр Медведев. Ал қазақ тілінде Әділ Айжарық жазған.