«Dala dauysy» байқауының жеңімпаздары анықталды

Елімізде «Dala dauysy» байқауының жеңімпаздары марапатталып, гала-концерт өтті.
Үздік деп танылған шығарма авторларын әділқазылар жабық тәртіп бойынша анықтаған. Конкурс биыл 154 өтінім қабылдап, 5 номинация бойынша 15 сыйлықты қамтыды. Дәстүрлі, классикалық, эстрадалық және театр өнері жанры бойынша шығармаларды жарыққа шығаратын авторларды қолдау – байқаудың негізгі мақсаты. Бәсекелестік жоғары болғандықтан жүзден жүйрікті анықтау оңайға соқпады дейді әділ қазылар.