АҚШ-та «Алтын шар» киножүлдесін табыстау салтанаты өтті

Лос-Анджелесте 82-ші «Алтын шар» киножүлдесін табыстау салтанаты өтті. «Алтын шар» Голивудта беделі жағынан «Оскар» жүлдесінен кейінгі екінші орында тұр. «Бруталист» және «Эмилия Перес» фильмдері үздік деп танылды. Ал «Сегун» туындысы үздік драмалық сериал ретінде «Алтын шар» жүлдесін алды. Мексикалық есірткі картелі туралы «Эмилия Перес» комедиясы ағылшын тілінде түсірілмеген үздік фильм ретінде де беделді марапатқа лайық деп танылған. Осы картинада ойнаған Зои Салдана «екінші пландағы үздік актриса» атанды. Ал венгриялық еврей сәулетші туралы тарихи «Бруталист» туындысы алда болатын «Оскар» жүлдесіне үміткерлер қатарына енген. Голивуд жұлдыздары Деми Мурға «үздік актриса», ал Эдриен Броудиге «үздік актер» номинациясы бойынша «Алтын шар» жүлдесі бұйырды.