«Айсұлу» комедиялық операсы Астана Операда

С.Мұхамеджановтың «Айсұлу» комедиялық операсы 28-29 қаңтарда «Астана Операның» Үлкен залы сахнасында тағы да ұсынылады.
«Айсұлу» - бұл әрбір көрерменнің жүрегіне жақын хикая. Оқиғаның жеңіл баяндалуы, жарқын әзіл мен тамаша музыкалық тақырыптар еліктіретін және кейіпкерлер үшін уайымдауға мәжбүрлейтін айрықша атмосфера жасайды. Опера музыкасымен де, қызықты сюжетімен де баурап, әрбір көрерменге қуаныш пен шаттықты, спектакль кейіпкерлері жасайтын шытырман оқиғаны сезінуге мүмкіндік береді.
Қоюшы режиссер Еренбақ Тойкенов сахнада 60-70 жылдардың атмосферасын жасап, оны түрлі жастағы көрермендер үшін түсінікті, қызықты әрі заманауи етуді міндет етіп белгіледі.
Сонымен, спектакль қоюшы дирижер, Қазақстанның халық артисы Абзал Мұхитдиннің, қоюшы режиссер Еренбақ Тойкеновтің, қоюшы сценографтар – Қазақстанның еңбек сіңірген қайраткерлері Софья Тасмағамбетова мен Павел Драгуновтың жетекшілігімен жүзеге асырылды, олардың бірлескен күштері жанды әрі әсем сахна көрінісін жасады. Басты партияны орындаушылар, опера труппасының солистері көрермендерге тағы да ұмытылмас әсер сыйлайды.